Priyanka Gandhi hi Uttar Pradesh Sonbhadra District-a mitthi chhungte hmu tura kal a ni a, Police te chuan heng mite hmuh hi an phalsak lova, an hrenna hmun Mirzapur Guest House-ah hian mitthi chhungten an kal chilh a, Police te chuan an zinga pahnih chauh luh an phal sak a, midang 15 te chu pawnlamah an dang a ni.
Priyanka chuan nizan zanlai vel khan Police leh sorkar officer ten an hrenna hmunah kalchilhin mitthi chhungte hmu lova haw mai turin an ngen tih a sawi a, amaherawhchu a kal chhan ber mitthi chung mite hmu lova haw a tum loh thu a lo hrilh tih a sawi.
Trinamool Congress party aiawha Sonbhadra pana kal te pawh Varanasi \umhmunah dan a ni tih an party hruaitu, Derek O Brien chuan a sawi bawk.
UP Minister leh BJP hruaitu, Shrikant Sharma chuan Sonbhadra-a thil thleng chungchanga Congress thil tih dan chu politics hmanga hming\hat lak tumnaah a puh a ni.
Tunkar tira Sonbhadra District khaw pakhata buaina chhuakah mi 10 kahhlum an nih bakah mi 24 an hliam a, khaw hotu Yagya Dutt leh a \huihhruaite chuan ram inchuh thubuaiah tribal te silai hmangin an bei a ni.
Pryanka Gandhi-i hian he inkahna thlenga tuartute hi congress party chuan cheng nuai 10 \heua \anpui a tum tih a sawi a, Sorkar chu he pawikhawihna tuartute zangnadawmna cheng nuai 25 pe turin a phut bawk.
