Dawrpui Biak In bul, Floria Hotel epa Hustler dawr kawta PHE tui pipe puak chu nizan dar 9 vel khan siamthat a ni

0
650
views

Dawrpui Biak In bul, Floria Hotel epa Hustler dawr kawta PHE tui pipe puak chu nizan dar 9 vel khan siamthat a ni leh tawh a, PHE Deptt. hotute hnen atanga thu dawn danin he tui pipe, inches 14 diameter keh hi laih lan a nih hnuah a thui zawng feet 6 leh a chanve vel a ni tih hmuhchhuah a ni a, ti chip lehin tha taka welding leh a ni a, hemi hnu hian he pipe, Aizawl hmar lam chawmtu atang hian a pangngaia tui pek chhuah leh tawh a ni. Pipe siamthatna tura pipe puahna hmuna kea kalna laih chhiat chu mihring tlak hawlh loh nan khuh a ni a, hei hi PHE Deptt. chuan a ngai angin tha takin an siam tha leh dawn niin an sawi a ni. He pipe keh siamthat hna thawh kawnga anmahni tanpuitu Dawrpui Local Council, AMC, PWD, P&E leh Traffic Police te nena rual taka an tang tlang thei chu lawmawm an tih thu PHE Deptt. hotute chuan an sawi a ni. Puan tawh angin he tui pipe keh atanga tui put hian Inrinni zing khan Bazarpuia chawhmeh leh thildang zuartute nasa takin a tibuai a ni.