Dawrpui Vengthar Branch YMA-in an dinchampha kum 50-na, Golden Jubilee chu vawiin khan an lawm.

0
658
views

 

Hemi puala inkhawm Govt. KM High School tuala neihah thusawiin bialtu MLA Pu Lalruatkima chuan, Dawrpui Vengtharin kum 50 hmel a hmu ta chu hruaitu hmasa te inpekna leh \hahnemngaihna vanga thleng thei an ni tih \hangthar zawkten an hriat a \ul niin a sawi. Pu Lalruatkiama chuan, tunhmain Dawrpui Vengthar a\angin Central Service leh Mizoramah pawh dinhmun pawimawh tak tak chelh an awm chu \hangthar zawkten an hnung an zuizo ta lo em ni tih theih turin a awm ta niin a sawi a, hemi kawnga \an lak thar leh a \ul nia a hriat thu sawiin an mi hmasate sulhnu chhui zo tura insangmar leh turin a fuih. Pu Lalruatkima chuan tuna Golden Jubilee hian ram leh hnam tan leh veng tana hmalaknaah beiseina thar neih tir se hmasawn zel tura \an la zel turin duhsakna a hlan bawk. Inkhawm hi Jubilee Organising Chairman, Pu Vanlalzuiliana’n a kaihruai a, Central YMA aiawh Ward Councillor Nl. Zonunsangi Fanai leh Branch YMA President, Pu Lalchhuanmawia ten thu an sawi a, Jubilee zaipawl, mal zai bakah hruaitu hluite an chawimawi a, tlaiah Jubilee lawmna ruai an \heh a ni.

Dawrpui Vengthar Branch YMA hian an dinchampha kum 50-na Golden Jubilee hi kumin February thla a\ang khan intihhlimna te buatsaihin an lawm \an a, Mizoram pum huap basketball inelna an buatsaih bawk a, mi harsate an \anpui bawk a ni.

Dawrpui Vengthar Branch YMA hi kum 1968 February ni 21 khan din a ni a, tun dinhmunah member 2,200 vel an awm a ni.