Dawrpui Vengthara Khawpuia Memorial High School kum 50 tlin lawmna chhunzawm, CM-in hmanpui

0
324
views

Dawrpui Vengthara Khawpuia Memorial High School, kum 50 tlin lawmna chu vawiin khan chhunzawm a ni a, CM, Pu Lal Thanhawla’n a hmanpui a, zirtirtu hmasa leh he sikul a\anga zir chhuak mi hming\ha leh hlawhtlingte chu chawimawina hlan am ni. Pu Lal Thanhawla chuan, he sikul hi zirlai hlawhtling tam tak, ram leh hnam tana mi \angkai tak tak lo chher chhuak tawh a ni tih sawiin, he sikul lo enkawl hmasatute chu zah phu hlea a hriat thu a sawi a. He sikul dinna atana sum thawhtu, Pu Khawpuia leh a chhungte leh a dintu, Headmaster hmasa ber, Pu Lalthankima leh a thawhpuite chu chawimawi tl^k nia a ngaih thu a sawi. Pu Lal Thanhawla chuan, Mizorama eizawnna siamtu ber, sorkar leh Kohhran-in mi zawng zawng tan hna an pek ve thei lova, \halai hna zawng an pun chhoh zel bawk si avangin mahni kutkea ding thei tura zirlai chher chhuah kawngah \an lak a ngai hle a ni, a ti a, zirlai hnena thiamna ziktluak lo zirtirna pek chu thil pawi thei a nih avangin zirtirtute an \an hle a ngai a, sikul chhung leh pawnah zirlaite tana entawn tlak leh ngaihsanawma an invawn uluk a ngai tih a sawi. Tun hma deuh kha chuan All India Service hrang hrang leh sipai-ah Mizo-te hi hmarchhak bial a\anga lut tam ber an ni \hin a, tunah erawh chuan Mizoram chu a hnufual pawl a nih tak avangin \an lak thar a ngai hle tih a sawi.

Vawiina KM High School kum 50 tlin champha lawmna inkhawm hi Organising Committee Chairman, Mizoram sorkar-a Chief Secretary, Pu Lalmalsawma’n a kaihruai a. KM High School a\anga zir chhuak, mi hlawhtling teleh he School dinna atana sulsute chu chawimawina hlan an ni a. Chawimawina hlan zingah Pu Lalmalsawma, IAS, Pu Lalram Thanga, IFS, Pu C. Lalhmachhuana, ITS leh Pu V. Lalfala, IFS te an tel a. Mizo hmeichhe zinga Mt. Everest lawn chhuak hmasa ber, Lalrintluangi leh MPSC Chairman, Rev. Zosangliana Colney chu Special Award hlan an ni bawk. He school a\anga zir chhuak mi engemawzat leh KM High School-a Principal leh Headmaster lo ni tawhte, zirtirtu ni mek leh lo ni tawh te, he sikul a\anga zir chhuak leh zir mekte an tel a ni.