Defence Minister Rajnath Singh-a’n Pakistan vaukhanin, India chuan Pakistan tan chhiatna nasa tak a thlen thei tih a sawi.

0
337
views

Pakistan Prime Minister Inram Khan-a’n UN General Assembly-a Kashmir chungchang a sawi chhuahnaah nuclear ralthuam nei ve ve India leh Pakistan te an indo chuan khawvelah nghawng na tak a nei dawn tih a sawi chu Rajnath Singh hian a chhanglet a, INS Khanderi hman a nih tak avangin India lawng sipaite thil tih theihna chu nasa takin a sang tawh tih Pakistan in a hriat a ngai a ni a ti a, India sipaite chakna chu Pakistan in a hriat a ngai a ni a ti. INS Khanderi hi tuihnuai lawng chak chi a ni a, tukin khan Mumbai ah hawn a ni.

India chuan tunhnaiah mifirfiakte vauna a dawng nual a, an vaute zingah hian prime minister Narendra Modi leh Home Minister Amit Shah te bakah khawpui lian zual 30 a tel a ni. Tun thla tir lam khan Army intelligence lam chuan mifirfiakten India chhim lam beih an tum niin thu an dawng bawk a, a hma lawkah Pakistan Commando te Gujarat ah luh an tum tih thawm a lo awm tawh bawk.