Delhi-a Chandni Mahal-ah coronavirus vangin ni thum chhungin mi 3 an thi nia sawi a ni a, mi 52-in an kai tih finfiah a ni bawk. Hemi hmalam hian mosque 13 a\angin mi 102 thiar chhuah an ni a, Chandni Mahal hi tlawh pawh theih loha khar nghal a ni.

Mosque a\anga thiar chhuah te zingah Nizamundin-a kal, ram dang mi an awm nia sawi a ni a, Gulabhi Bagh-a quarantine center-ah dah nghal a ni. Chandni Mahal hi tunah chuan khauh taka khuahkhirhin tumah pawn chhuah phal a ni tawh lova, district magistrate chuan in tinah mipuite mamawh zualpui petu tur a ruat a ni. Chandni Mahal pumpui hi natna hrik thahna hlovin an kap chhuak vek dawn a ni.

Delhi khawpuiah hian coronavirus darh \anna bupui hmun 30 chhin chhiah a ni tawh a, heng hmunte hi tlawh pawh theih loa kharkhip vek a ni tawh a, mipuite pawh an chenna in an chhuahsan khap a ni.