Delhi-a community clinic-a thawk doctor pakhat chuan coronavirus a kai tih finfiah a ni a, he doctor nena inhnaihna lo nei tawh mi 900 vel chu dah hran an ni.

0
47
views

Delhi Health Minister Satyendar Jain sawi danin heng mite hi ni 14 chhung khung hran tura tih an ni a, Covid-19 kai doctor hian nupui leh a fanu te pawh a kai nia ngaih a ni a, an positive ve ve a ni.

Jain chuan Saudi Arabia a\anga Covid-19 kai sa rawn haw a\angin doctor hian a kai nia an rin thu a sawi.

Kar hnih liamta khan Saudi Arabia a\anga haw hmeichhe pakhat chuan doctor thawhna clinic hi a tlawh a, a \henawm hnaia mi 74 te pawh enthlak mek an ni.

Covid-19 kai doctor hi Delhi Maujpur-a Mohalla Clinic-a thawk a ni. Mohalla Clinic hi Aam Aadmi Party sorkarin mi harsa zawkte tana a din a ni a, community health center a ni.

District thuneitute chuan tun thla ni 12 leh ni 18 inkara mohalla clinic tlawhtu zawng zawngte chu ni 15 chhung mahni in-a inkhung turin a hriattir a ni.