Congress leh Aam Aadmi party thawhdun tumna chu a hlawhchham chiang ta a, Congress party hian South Delhi bial chiah an la dah awl a, he biala din tir an tum Ramesh Kumar chu kum 1984-a Sikh te laka tharum thawhna thlenga mawhphurtu-a puh pakhat Sanjan Kumar unaupa a nih avangin Sikh mipuiten an duh lo a ni.
Candidate turte hming puan takah hian Kapil Sibal-a hming a lang lo a, congress hruaitu hlun, union minister hlui hian a bial ni \hin Chandni Chowk -a din leh a hreh deuh nia sawi a ni a, he bialah hian BJP leh AAP candidate te nena kil thuma inchuh a ngaih dawn avangin a ding hreh nia sawi a ni.
Sheila Dikshit-i chuan North East Delhi bial a chuh dawn a, Ajay Maken chuan New Delhi bial a chuh ang. Candidate dangte chu East Delhi-a ding tur Arvinder Sing Lovely te, Chandni Chowk-a ding tur JP Agarwal te, North West Delhi a ding tur Rajesh Lilothia te leh West Delhi-a ding tur Mahabal Mishra te an ni.
