Delhi-a mi 17 thihna Hotel Arpit Palace-a kangmei chhuak chhuichian a nih hnuah thil felhlel hmuhchhuah a awm nual a, hotel enkawltute man an ni.

0
616
views

Puan tawhin Karol Bagh-a Hotel Arpit Palace-ah hian thawhlehni zing khan kangmei a chhuak a, chhawng khat-na a\anga chhuakin chhawng sang zawk te chu a hliau chho a, kangmei hi zing dar 2:30 bawr velah chhuak \anin hotel hnathawkte’n \helh tumin an bei phawt a, an beidawn hnua dar 4:35-ah Fire Department te an ko chauh a ni. Delhi Fire Service hotu G C Mishra chuan kangmei chhuahna hmun an thlen meuh chuan kangmei hian hotel hi a tichhe hneh tawh hle tih a sawi.

Hotel a\anga chhanchhuahte hian kangmei chhuah hma hian electric plug hman tum-a an hmeh apiangin current-in a man \hin tih leh hotel chhunga current a awm loh \hin thu an sawi a, hotel hi endik a nih hnuah North Delhi Municipal Coorporation Mayor Adesh Gupta chuan rik rum thila tlanchhuahna tur emergency exit chu kalh a nih thu a sawi bawk. Official te’n hotel chei nan-a thing hman leh banga puan zar te chu kangmeiin a man awlsam thu te, hotel pindan-a tukverh \henkhatah tempered glass hman anih thu leh a hawn theih loh thu te, tukverh dangte pawh hawn harsa tak a nih thu te an sawi a, hotel-a cheng te tan tlanchhuah ngaihna a awm lo tluk a ni an ti a, hotel hian fire extinguisher leh tui phhuhchhuahna hose reel te nei mahse hotel-a hnathawkte’n an hman thiam loh thu an sawi a ni.

Fire Service hotu G C Mishra chuan kangmei hi electric wiring zawng zawng inthlun khawmna shaft a\anga chhuak a nih thu sawiin, chhawng tina shaft bul te hi kangmei hian a khawih chhe nasa hle tih a sawi. Hotel hian fire safety certificate kum thum chhunga nung a nei nain, thil felhlel a tam em avangin hotel neitu Shardendu Goel lakah IPC Sections 304 leh 308 hnuaiah thubuai ziahluh a ni a, Deputy Commissioner of Police Mandeep Singh Randhawa chuan Hotel Arpit Palace-a general manager Rajender Singh leh manager Vikas Kumar man an nih thu a sawi a, a hotel neitu Shardendu Goel hi a tlanbo a, zawn mek a nih thu a sawiin, case hi Crime Branch te kuta dah a nih thu a sawi.