Delhi bul Noida ah zirlai pakhat pa chu coronavirus a kai tih hmuh chhuah a ni a, zirlai leh nu leh pa te an chiai nasat avangin he school-a pawl 10 zirlaiten exam an neih tur chu a hun sawn hlat a ni.

0
67
views

Coronavirus kai naupang pa hi kum 45 mi, Delhi chhak lam, East Delhi-a cheng a ni a, Delhi khawpuia coronavirus kai hmuh chhuah hmasak ber a ni. School leh a chhehvel hi thuneitute chuan damdawi hmangin an ti thianghlim nghal a, virus kai hmuh chhuah takte chhungka hi mi 5 an ni a, an chenna In lama tawm rih tura tih an ni. Noida school hi khar ni lo mahse, zirlai nu leh pa tam takin an fate an la chhuak a, pawl 7 chin chunglamten internal exam an neih tur pawh a hun sawn a ni a, pawl 6 chin hnuailam te chu chawlhtir rih an ni bawk.

Union Health Ministry chuan virus kai hmuh chhuah hi Italy-ah tunhnaiah a zin tih a sawi a, Italy hi coronavirus kai hmuhchhuah tamna ram zing ami a ni a, Italy a\anga a haw lam hi Austria Vienna lam a\anga a kual avangin Delhi airport ah amah hi enfiah a ni lo a ni.

Hetihrual hian February ni 25-a Vienna a\anga a lo thlawh haw-na Air India pilot leh thawktu dangte chu an chenna inah ni 14 inkhung hrang tura hriattir nghal an ni bawk.

Hetihlai hian Telangana ah pawh coronavirus kai pakhat hmuh chhuah a ni bawk a, kum 24 mi, software engineer, Bengaluru-a thawk chu thla hlui khan Hong Kong lam mite nen Dubai ah hnathawkin an awm a, hetah hian virus hi a kai nia rin a ni.

Prime Minister Narendra Modi chuan darkar 48 chhungin coronavirus kai mi pahnih hmuh chhuah an nih thuah mipuite chiai lo turin a chah a, central sorkar leh State sorkar hrang hrangin virus darh palh thei veng turin ruahmanna \ha tak an siam a, a \ul apiang an bawhzui reng a ni a ti.