Delhi chief minister hlui, Sheila Dikshit-i Delhi Unit Congress President atana ruat a nih leh tak avangin Congress leh AAP te chu Lok Sabha inthlanpui neih turah an \angdun dawn nia rinna a lian hle.

Sheila Dikshit-i erawh chuan \andun chungchangah hian engmah a la sawi zau duh lo a, hemi hmalam hian Congress hotulu ten \anho an rel anih chuan AAP nena \andun chu a pawitih loh thu a lo sawi tawh a ni. All India Congress Committee general secretary, Delhi changtu PC Chacko chuan Sheila Dikshit-i hi Delhi President atana ruat a nih thu a puang a, tun dinhmunah AAP nena inbiakna a la awm lo tih a sawi thung. Sheila Dikshit-i hian president nilai, Ajay Maken a thlak a, ani hi langsar taka AAP nena thawhdun duh lotu a ni thung.