Delhi hmar chhak lama buaina nasa tak chhuahna hmunah sipaiten flag march an nei chhunzawm zel a, nun a la ralmuang lo hle a, tharum thawhna thleng erawh a awm tawh lo thung.

0
72
views

Intualvuakna thlenna hmunah te hian police tam takin venhim hna an thawk a, mipuite chakkhai lama chhuak vak hmuh tur an awm laiin, mi tam tak chuan damdawia inenkawlna sorkarin a ngaihtuahsak lo niin an sawi a, dan leh hrai chungchanga an mahni puitu tur pawh sorkarin a pe lo tih an sawi.

Shiv Vihar hmuna buaina chhuak avanga chenna tur nei lo te chu Chaman Park ah an tawm khawm a, heng mite hian central sorkar emaw, Delhi sorkar in emaw anmahni \anpui turin an pen chhuak lo niin an sawi. Tharum thawhna thlenna hmunah hian dawr tam tak chu khar chhunzawm zel a la ni a, nitin khawsakna atana mamawh zual zawrhna dawr tlem azawng a inhawng a, dawr inhawng chhun nghaktute chuan boruak sosang leh mai thei hlau-a dawr hawng ngam rih lo an la tam tih an sawi.

Tharum thawhna thlen nasatna hmun, Jafrabad, Maujpur, Babarpur, Chand Bagh, Shiv Vihar, Bhajanpura, Yamuna Vihar leh Mustafabad ah te chu police ten fangkualin flag march an nei chhunzawm a, zirna in te chu Zirtawpni thleng khian la khar chhunzawm a ni ang.