Democratic Republic of Congo-a Goma khawpuiah Ebola natna vei hmuh a ni a, he khawpui hi mi maktaduai chuang chenna a ni.

0
64
views

Health Ministry-in a tarlan danin Pathiannia Goma khuaa kal, Pastor pakhat chuan he natna hi a vei tih hmuhchhuah a ni a, he Pastor hi Butembo a\angin Goma-ah a zin a, kawng km 200-a thuiah bus-a chuangin, a chuanpui Ebola natna vei lak a\angin a kai nia hriat a ni. Health Ministry chuan he natna hi inkai a awlsam avangin damlote chu an dah hrang nghal a, hemi rual hian Butembo bus-a chuangte chu enfiahin hri danna pek vek an ni tih a tarlang bawk.

He natna hi kum kalta a\ang khan Democratic Republic of Congo-ah a lo leng tawh a, mi 1,600-in an thihpui a ni.

Ebola natna tuartu tam ber chu West Africa mipuite an ni a, West Africa-a Guinea, Liberia leh Sierra Leone-ah te chuan kum 2014-16 inkarah mi 28,616-in an kai a, mi 11,310-in an thihpui a ni.

He natna hi ran a\anga kai theih a ni a, chung zingah chuan zawng, thlai rah ei chi bak leh sazukte an tel a ni.