Dhinakaran-a’n political party thar din

0
436
views

Tamil Nadu AIADMK party a\anga chhuak ta, TTV Dhinakaran chuan vawiin khan party thar, Amma Makkal Munnetra Kazhagam a din. Puan tawh angin Dhinakaran hi Jayalalithaa thachhangdawltu ber, Sasikala vahpa a ni a, Sasikala-i lung ina a luh dawn pawh khan, AIADMK party-ah a ai lo awh tura ruat a ni. O Panneerselvam leh E Palniswami-te’n Sasikala thuneihna chhuhsak an rel hnuah, Dhinakaran-a thuneihna pawh chhuhsak a ni a, hun eng emaw chen, party chhungkua an intihbuai hnuah, party thar hi a din ta a ni. Dhinakaran chuan a party thar hming hi J Jayalalithaa hming chawia phuah a ni tih a sawi a, an party chhinchhiahna atan Pressure Cooker lem an hman rih thu leh AIADMK party hming leh chhinchhiahna, hnahthel pahnih neih tuma a beih tur thu a sawi bawk a ni.