Dhinakaran-a’n RK Nagar by election-ah vote lei niin Kamal Hassan-a’n sawi

Film star, Kamal Hassan-a chuan, tun hnaia Tamil Nadu-a RK Nagar Assembly by election-ah khan vote neiten an vote chu cheng sing hnih zelin T T V Dhinakaran-a hnenah an hralh niin a sawi a, hei hi sum duh lutuk avanga mipui rorelna nihphung tihchhiat vekna leh, a lehlamah vote duh lutuk avanga pawisak neih lohna niin a sawi. Dhinakaran-a erawh chuan Kamal Hassan-a thusawi chu thu dik lo nia sawiin, R K Nagar bial mipuite zah lo leh hmusitah a puh a, kum 63 mi, Kamal Hassan-a hian AIADMK pawh vote neite, cheng 6,000 zel pe-ah a puh bawk. Hei hi Tamil chanchinbu-ah nimin khan Kamal Hassan-a hian a ziak a, RK Nagar biala mipuiten an vote an hralh nasa lutuk chu India rama mipui rorelna tihhmingchhiatna nia sawiin, hei hi ei r<kna pawh a ni lova, ram rorelna tihchhiat vekna a ni zawk a, ei r<kna hi chu a r<ka thil tih a ni a, RK Nagar bialah hi chuan a r<k pawh ni lo, ualau takin vote lei leh hralh a ni, a ti bawk. Kamal Hassan-a chuan, CM, Edappadi K Palaniswami-a leh a thawhpui, Minister-ten vote khat zel man tur an bituk hial niin a sawi a, hetih laia independent candidate-in cheng 20,000 a tiam t^k avang hian, mipuite chuan an mi duh leh beisei chu hmu ta-ah an inngai a, an vote hralh pawizia hi an hre ph^k lo a ni, a ti bawk.