Disaster Management and Rehabilitation Minister Pu C. Ngunlianchunga’n Hnahthial Kanaan veng-a NH 54 kawng min bal chu vawiin khan tlawhin a siamthat dan tur a en.

0
450
views

DM&R Minister hi South Tuipui Bialtu MLA Pu John Siamkunga leh Hnahthial SDO (C) Pu H. Lalramliana ten tawiawmin kawng min siam that dan tur chichiar takin an en a. Minister chuan a rang lama DM&R Department lama hnathawhna tur sum dilna thehlut turin a ti a ni. Puan tawh angin Hnahthial BCM Kanan Biak In bul kawngpui NH 54 khi leh tlahniam avang hian kumin June ni 12 atang khan lirthei lian chi a tlan thei tawh lo a. July ni 6 khan nasa taka a chet belh avangin kawng hi khar zui a ni a, lirthei te chu khaw chhung kawngah hel tir thin an ni.