Disaster Management & Rehabilitation Department in Mara Thyutlia Py member-te tan leh Young Lai Association memberte tana Basic Disaster Management Course thla khat chhunga CTI Sesawnga a buatsaih chu vawiin khan zawhfel a ni.

0
246
views

He training-ah hian M|P Member 27 leh YLA Member 31 an tel a, an zinga mi palite chu hmeichhia an ni. Heng mite hi National Disaster Response Force Team Guwahati a\anga lo kal ten thla khat chhung zirtirna an pe a, an training chhung hian khawrel chhiatna lian tham thlen thluha chhanchhuah ngaite chhanchhuah dan leh hliamte lak chhuah leh \anpui dan te hruizen hmanga leihlawn siam dan leh chumi hmanga mi mangangte chhanchhuah dan te, tui tla ruang hleuh leh tui tla zawn dan te, hliam leh ruhtliak enkawl dan te an zirtir a ni. Training kharna inkhawmah DM&R Director, Pu FJ Liantluanga chuan thusawiin, khawrel chhiatna thlen hun tur hi hriat theih a nih loh avangin mi mangangte chhanchhuak tur leh \anpui ngaite \anpui tura englai pawha inpeih reng a ngai tih hre turin tlawmngai pawl member te chu a hrilh a ni.