District Council pathumah Congress sorkarin buaina tawk mek – MNF Vice President

0
330
views

MNF Vice President Dr R Lalthangliana chuan, Mizorama District Council pathumah Congress sorkarin buaina a tawk mek niin a sawi. Vawiina Borapansury-a an party buatsaih vantlang inkhawmah he thu hi a sawi a. CADC ah kum 40 chuang Congress a sorkar chhungin hmasawnna hmuh tur a awm lo niin a sawi. Dr. R Lalthangliana chuan, CADC leh LADC ah CEM thlak an ni a, MADC ah buaina a inmung mek bawk nia sawiin ramchhung state hrang hrangah Congress chu hnawlin a awm mek a ni a ti a, Mizoram Assembly inthlan lo awm turah leh CADC inthlanna neih turah pawh Congress chu mipuiin an hnawl dawn niin a sawi. Dr R Lalthangliana chuan, CADC Congress sorkarah mipuiin hamthatna engmah an hmuh loh laiin, thil ti thei deuhte erawhchu an inhaivur nasa hle niin a sawi a, MNF sorkar laia kawngpui siamte pawh tunah zawh tlak loh khawpin a chhia nia sawiin, MNF in thuneihna an chan hunah hmasawnna mipui thleng phak an kalpui dawn niin a sawi.