Aizawla Audition Round neih tur hi naktuk zan dar 7:30 a\angin ZONET chuan Zawlbuk Channel-ah live-in a pe chhuak dawn a, hetah hian mi 31 an zai ang a, a tuk, nilai zan a\anga Audition Round zawhfel a nih thlengin zan tin mi 45 vel an zai ziah dawn a ni. Audition Round hi tun thla ni 14-ah zawhfel hman tum a ni a, heta tel tur hian mi 345-in hming an pe lut a ni. Puan tawh angin District hrang hranga inelna neih tawhah Champhai district a\angin 2nd round-ah mi 14 an lut a, kum 2015 Idol contest-a top 50-a tel mi pakhat nen Champhai district a\angin second round-a lut mi 15 an awm ta a ni. Serchhip-ah mi 10 leh Lunglei-ah mi 15, Lawngtlaiah mi 17 leh Siahaah mi 7 ten second round an lut a ni.
