District leh Civil Sub Division inrelbawlna tihchangtlun dan tur sawi hovin District tin DC leh SP te vawiin khan Aizawlah an \hukhawm.

0
276
views

 

A hawngtu Chief Minister Pu Lal Thanhawla chuan district inrelbawlna thuamchak turin sorkarin kawng hrang hrangin hma a la a, hriselna, zirna, inkalpawhna leh mi harsate chhawmdawlna lamah te chak zawka hmalak a ngai a ni a ti a, mipuite hamthatna tura sorkar hmalakna scheme hrang hrangte mipui tana hriat awlsam zawnga kalpui a \ul a ni a ti.

Chief Minister chuan Mizoram chu ruahtui tlak tamna anih avangin leimin a tam a, chhiatna tuarte chhawmdawlna kawngah DC leh SP ten mawhphurhna sang tak an nei a, Mizoram chu ram dang pahnih nena inthenawm a nih avangin ruihhlo, ralthuam leh dan in a phalloh thil tam tak tawlh rukna kawng a ni a, heng thil \ha lo te do kawngah ramri hnaiha awm district te mawhphurhna a sang zual a ni a ti.

Home Minister Pu R. Lalzirliana pawhin thu sawiin ramri kana thil \ha lo chawk luh veng turin Police ten theihtawp an chhuah tih a sawi a. Finance Minister Pu Lalsawta chuan District hrang hranga department ram awl awm te chu \angkai zawka hman an nih theih nan chhinchhiah fel turin District thuneitute a chah a, The Right to Public Service Act kenkawhna ah DC leh SP ten an mawhphurhna an hriat reng a ngai a ni a ti.

Revenue Minister Pu R. Romawia chuan ram inchuh leh innek thubuai chinfel kawngah sub divisional officer te mawhphurhna tam zawk pek \ha a tih thu a sawi.

Hawnna inkhawmah hian Chief Secretary Pu Arvid Ray pawh a tel a, GAD Secretary Pu Ashish Kundra chuan Mizorama District Administration leh Civil Sub-Division ti chak tura hmalak dan tur tlangpui a sawi a. DC leh SP te intawhkhawmnaah venhimna chungchangte, ILP kaihhnawih leh ramri chungchang te, district magistrate leh police te thawh hona chungchang leh sorkar laipui programme kalpuinaa DC te mawhphurhna te sawiho a ni a. Naktuk lamah Revenue Administration leh Disaster Management chungchang an sawiho chhunzawm ang.