Donald Trump-a’n bum hmang leh daw thei-ah Pakistan puh, Pakistan lungawi lo

0
399
views

US President, Donald Trump-a’n Pakistan ram chu bum hmang leh dawthei tak nia a puh avangin Pakistan sorkar a lungawi lo hle a, Pakistan Foreign minister, Khawaja Asif-a chuan, Pakistan ram leilung a\angin America-in Afghanistan ram chu vawi 57,800 a bei tawh nia sawiin, America thil tih hi Pakistan civil mi leh sipai sang tam takin an tuar tawh niin a sawi. Pakistan Foreign Minister chuan, an sipaiten indona danglam tan an hmachhawn reng nia sawiin, an inp>kna chu a nasa hle niin a sawi a, tunah chuan, an tawn hriat a\angin America chu rin bur tur a ni lo tih an hre tawh nia sawiin, Pakistan ram lakah America a lungawi lo chu thil pawi tak ni mah se, Pakistan hian a zahawmna hum tlat a tum ve tawh dawn niin a sawi. Asif-a hian an ram hruaitu hlui, Pervez Musharraf-a pawh 9/11 chungchangah na takin a khak a, New York-a mi firfiakte pawi khawihna a thlen hnu lawkah khan, an ram hruaitu chu phone-a vawi khat biak ringawtah a inp>k nghal avangin, thisen a luang hnem ta hle niin a sawi a, America-in ram dang a beihnaa Pakistan a lo tel ve chu thil atthlak ber niin a sawi. Hei hi Preident Trump-a thusawi, United States-in kum 15 kal ta chhunga dollar tld. 33 chuang, Pakistan a lo pe chu a atthlak hle tih a chhan l>tna a ni a, President Trump-a hian, sum heti zat an pe chung hian Pakistan hian America a bum reng a, Afghanistan rama mi firfiak, America-in a beih mekte chu Pakistan hian a hum reng nia sawiin, hetiang hian America chu a kal tawh dawn lo niin kum thar ni khan a sawi a ni.

He thu a sawi hnu lawkah hian Pakistan Foreign minister, Khawaja Asif-a chuan Trump-a thusawi hi a chhang l>t nghal a, America an thlawp \hat em avangin, America hmelma apiang chu hmelma enin an en ve hial nia sawiin, Guantanamo Bay lung ina mi firfiakte hnawh khattu pawh Pakistan hi niin a sawi a, Pakistan hian US tan mi firfiakte a man khawmsak a, heti khawpa a \anpui chung hian America chu Pakistan chungah a lawm chuang lo niin a sawi a ni.