Trump chuan hmuh theih loh hmelma, coronavirus-in khawvel a r<n a, America mipuite chu hnathawh turah nasa taka humhalh an ngai a ni a ti.
President hian eng kalphung nge duan a tum tih leh chu chuan eng nge nghawng a neih dawn tih chu hriat theih a la ni lova, a thupek chu a keng kawh thei dawn em tih pawh zawhna lian tak a la ni. Trump-a thil tum hi mi tam takin sawiselin ram dang mi, US-a inbengbelte hnawhchhuahna remchangah hri leng hi hman a tum a ni an ti.
White House chuan hri lengin ziaawm lam a pan tawh nia sawiin, inkharkhip thlahdul \an theih a ni tawh tih a sawi a, hei pawh hian inhnialna a ti chhuak nasa hle. Kar li chhungin America mi maktaduai 20 chuang hna nei lo an awm tawh tih White House chuan a sawi a, hna nei lote hum chu Trump-a sorkar tih tur a ni a ti a, hemi hnu hian Trump chuan hna nei lote hum nan America-a pemluh khap lailawkna thupek hi siam a ni dawn tih a sawi a ni.
US-ah hian coronavirus kai mi 7,87,000 chuang an awm a, mi 42,000 chuang an thi tawh a ni.
