Fox News-a thupuangtu leh State Department thupuangtu ni bawk Heather Nauert-i chuan UN Ambassador atana ngaihtuah tura Donald Trump-an a hming a pek hnu hian an chhungkuain harsatna an tawh nasat avangin a inhnukdawk dawn tih a puang a, thilhretu te’n White House-in Heather Nauert-i chanchin a zirchiannaah US ram chhunga dan anga cheng nimahse hnathawh phalna nei lo nauawmtu a ruai tih hriatchhuah a nih vangin a hming hi a hnuk kir a ni.
UN Ambassador post hi Nikki Haley-i’n a chhuahsan hnuah nikum a\ang khan a ruak tawh a, December thla khan Donald Trump-a’n Heather Nauert-i chu he post luah tura a duh thu a lo sawi tawh a, foreign policy chunchanga tawn hriat a nei lo tia sawisel a hlawh nasa hle a. Democrat te chuan ram leh ram indawrna tak takah thiamna a neih an rin loh thu an sawi a ni.
Trump-a Republican Party te’n Senate-ah thuneihna a chan avangin a dinhmun hi a derthawng lem lo-a ngaih a nih laiin a inhnukdawh thu hi rin loh takin a puang a ni.
