Donald Trump Jr.-a’n a pa dinhmun vangin an sumdawnna-in tuar niin sawi

0
512
views

India-a cham mek, US President Donald Trump-a fapa, Donald Trump Jr. chuan a pa President a nih tak vangin, an sumdawnna-in a tuar nasa niin a sawi a, hlawkna an têl tur thahnem tak an chân niin a sawi. Trump Jr. chuan an chhungkaw sumdawnna, Trump Organization chuan a pa dinhmun vang hian, huang zauh theihna tur remchang tam tak a hnar niin Times of India a hrilh a ni. Puan tawh angin Trump Jr. hi a pa hminga sak mek, Apartment man to chi, ti lar turin India-ah a cham mek a, zirtawpni hian khawvel ram hrang hrang sumdawng lian intawhkhawmna-ah PM Narendra Modi nen thu an sawi ve ve dawn a ni. Trump Tower, India-a sak mek hi chhawng 47-a sangte a ni a, chhungkaw 250 vel chen theihna tur a ni a, kum 2023-ah chuan luah theiha peih fel theih an inbeisei a, a man hi cheng mtd 55 atanga mtd 110 inkar vel a nih rin a ni.