Dr. APJ Abdul Kalam-a pianchampha vawi 88-nah Prime Minister Narendra Modi-a’n President hlui zahna chibai bukin, a pianni October ni 15 chu kum tin amah chawimawi nan World Students’ Day-a hman \hin a ni a ti a, India chuan a tharin he ni-ah hian zahna chibai a buk nawn leh a ni a ti.

0
11
views

Dr. APJ Abdul Kalam hi a hming pum chu Avul Pakir Jainalubdeen Abdul Kalam a ni a, India ram President 11-na a ni a, kum 2002-2007 chhung President nihna a chelh a ni. Bharat Ratna Award dawngtu a nih bakah India Civilian space programme leh millitary missile system tana a hnathawh vangin mite ngaihsan a hlawhin a hming\hatpui hle a, Missile Man tiin a hming pawh an vuah sak hial a ni.

APJ Abdul Kalam hi thuziak thiam tak leh mite fuih phur kawnga thusawi thiam tak a ni a, a thusawi langsar zingah ‘India ramah eirukna a bo theih nan leh ram chhung miten rilru hrisel an neih theih nan mi pawimawh pathum, khawtlang inrelbawlna thlak danglam thei tur an awm a, chung mite chu nu leh pa leh zirtirtute an ni’ tih a sawi chu a lar hle a ni.