Prince Harry leh Meghan Markle te naute thar hi mipa fa a ni a, a hming phuah a la ni lo a, British lal \hutthleng luah thei tur indawt zinga a pasarihna a ni. Naute hi a pianhlimin kg 3.2 a ni a, a laichin unau dang te piang tir aiin a zang zawk a, kum 2013-a piang prince George kha kg 3.8 a ni a, a unaunu Prince Charlotte, kum 2015-a piang kha kg 3.7 a ni thung a, nikum April-a piang Prince Louis chu kg 3.8 a rit a ni. UK ah hian naupiang rih zawng hi chawhrualin kg 3.4 a ni.
Prime Minister Theresa May leh Labour party hruaitu Jeremy Corbyn te pawhin lal chhungkua an lawmpui thu hi an thawn a, nikum May thlaa Prince Harry leh Meghan Markle te inneihtirtu Caterbury Archbishop Justin Welby chuan Pathian malsawmna an dawn zel a duhsak tih a sawi bawk.
