Durtlang North-a ICFAI University zirlaiten an fee tihhniam phuta lungawi lohna an lo lantir tawhin awmzia a nei lo nia a lan avangin vawiin khan an University Propectus-ah an hal.

0
367
views

Students Action Committee President, Pu Lalnunpuia chuan, an harsatna tawh chungchangah an ngen anga Chief Minister, Pu Zoramthanga’n anmahni enkawltu Hyderabad-a ICFAI Society hotute hnena lehkha thawna kumin April ni 16 ral hma ngeia zirlaite harsatna ngaihven tur leh an thil phut tih hlawhtlin sak tura a ngen chungin tun hnaia an University Prospectus thleng tharah Fee siam\hat tumna awm lo niin a sawi a, an thil phut chungchangah an lungawi theihna tur khawp thutlukna siam a nih hma chu thuneitute nawr chhunzawm zel an tum tih a sawi.

ICFAi University-a zirtirtute aiawha thusawitu, Geography Department Head, Pu Laldinmawia chuan, kum 10 kalta chhung khan \um 6 fee tihsan a nih tawh thu sawiin, hei hi thil dik lo tak a ni a ti a, India ram hmun danga Private Institution dangte aiin zir man a sang zawk nia sawiin, siam\ha vat turin an mahni enkawltu ICFAI Society chu an ngen tih a sawi.

Puan tawh angin ICFAI zirlaite hian an thilphut hrang hrang tihhlawhtlin ngiatin lungawi lohna an lo lantir tawh a, hemi kal zelah hian ICFAi University Mizoram Vice Chancellor, Lt. General AK Mishra chu a hna a\angin a bang a. Zirlaite lungawi lohna hi sutkian a nih theih nan a \ul anga hmalak a nih tur thu Mizoram sorkar-in tiamin, Chief Minister-in ICFAI Society hotute hnenah lehkha thawnin zirlaite harsatna sukiang turin a ngen a. Hei hi hlawhtling mai tura ngaih a nih laiin tun hnaia Prospectus chhuak tharah Fee tihhniam tumna lam a lan tak loh avangin zirlaite hian lungawi lohna an lantir leh ta a ni. Lungawi lohna lantirnaah hian MZP General Secretary, Pu Lalnunmawia Pautu leh leh MSU Treasurer, B. Lalkhawngaihzuala pawhin thu an sawi a ni.

Higher and Technical Education Director chuan vawiin vek khan ICFAI Students Students Action Committee hruaitute chu an lungawi lohna chungchang a sawipui a ni.