Durtlanga Synod Hospital Chapel building thar Nilaini chawhnu khan Synod Moderator, Rev. F.Lalrinnunga’n a hawng. He Chapel building thar hi Aizawl Dawrpui Veng mi, Pu Bualhranga te nupain an inneih Golden Jubilee-a Pathian hnena lawmthu sawi nan Rs. 57,74,000/-an thawh hmanga sak a ni a ni a, concrete building tha tak, a dung feet 86 leh a vang feet 29-a sak a ni. He Chapel hnuai chiaha tun hmalama Chapel atana hman thin chu Auditorium atan hman zui a ni ang. Hawnna inkhawmah hian Synod Hospital Director, Dr. LH Thanga Singson leh Pu Bualhranga te pawhin thu an sawi a, Chapel thar hi Synod Executive Secretary, Rev. PC Pachhunga’n tawngtaiin Pathian hnenah a hlan a ni.
