e-Leave Application Chief Secretary-in hawng

0
560
views

Sorkar hnathawkten Online hmanga chawlh dilna an thehluh theihna tur, e-Leave Application chu vawiin khan Chief Secretary, Pu Lalmalsawma’n New Secretariat Complex-a Chief Secretary Conference Hall-ah a hawng a. Hei hi NEDP hnuaia Administrative Reforms Committee rawtna zulzuia duan a ni a, a bul \an nan Secretary te, DC Office leh Civil Sub Division Office te, Rural Development Block leh Mizoram House-a thawk Officer-ten an hmang thei dawn a. Department hrang hranga Officer leh thawktu dangte pawhin an hman theih tura tihlen zel tum a ni. Vawiina e-Leave Application hawnna inkhawm hi DP&AR Jt. Secretary, Pi Ramdinliani’n a kaihruai a, ICT Secretary, Pu Vanlalchhuanga, Planning Secretary, Dr. C.Vanlalramsanga leh mi pawimawh dangten an hmanpui bawk.