Heng mi 600 zingah hian Islam sakhaw zirtirtu 200 an tel a, Home Affairs Minister Vajira Abeywardena chuan heng sakhaw zirtirtute hian danin phalna a pek angin Sri Lanka lut mahse an visa huam bak an cham thu hmuhchhuah a ni a ti a, sum chawitir an nih hnuah an ram chhuahsan tura thupek an ni tih a sawi. Police te chuan heng sakhaw zirtirtute hi Bangladesh, India, Maldives leh Pakistan mi an nih thu an sawi a, sorkar chuan visa pekchhuah chungchangah dan khauh zawk kalpui a rel bawk a ni.
Hetihlai hian ram venhim hna pawh ngawrh zawka thawh chhunzawm zel a ni a, police te chuan Pathianni khan zirna in zawng zawng a him tawk em tih an enfiah a, tun kar a\ang hian a ngai angin schoolte hawn \an leh a ni a, Catholic biak in-ah te inkhawm \hulh nimahse Cardinal Malcolm Ranjith-a kaihhruai special service chu tv-a en theihin tih chhuah a ni. Sri Lanka President Maithripala Sirisena chuan Easter-a pawikhawihnaa inhnamhnawih mifirfiakte chu a nawlpui nuaibo an nih tawh thu sawiin ram chhung a ralmuang leh tawh tih a sawi.
