Easter Sunday-a Sri Lanka beihna thleng kha pumpelh theih a ni tih hriat chhuah a nih hnuah national intelligence hotupa Sisira Mendis chu bantir a ni.

0
207
views

Sri Lanka President chuan intelligence hotupa hi bantirin, parliament in he thil a chhui chian zui turah pawh puibawm zui tawh lo tura tih a ni. April ni 21, Easter sunday-a thih chilh bomb hmun hrang hranga tihpuah avang khan mi 258 an thi a, an zinga 45 chu ramdangmi khualzin an ni a, mi 500 dawn an hliam a ni. He beihna thlen dan hi parliament select committee chhui tir tum a ni a, hei hi President Maithripala Sirisena chuan duh lovin caminet meeting \hutkhawm hmanhmawh a ko a ni.

Intelligence hotulu Sisira Mendis hian Sri Lanka beihna hi pumpelh theih a ni tih hapta liamta khan a sawi a, presidnet in ram venhimna dinhun sawihona hun a ruat mumal loh avangin Islamic firfiakte an chet mai theih thu sawihona hun pawh a awm mumal lo tih he pawikhawihna chhui chiangtu committee hmaah a sawi a ni.

Hetiang thil a sawi chhuah hnuah hian Sisira Mendis hi ban a ni ta thut a, President office hian ban a nih chhan engmah a puangzar lo a, President Sirisena-a’n cabinet meeting a kohah pawh hian thutlukna mumal siam theih a ni lo a ni.