ECI team Mizoram tlawha lo zin te hi Mizoram Kohhran Hruaitute Committee leh Mizoram IAS Officer Retired Association hotuten a hran hran ve ve-in an lo hmu bawk

0
315
views

IAS Officer Retired Association hi an President, Pu Lalmalsawma, Chief Secretary pension ta-in a hova, midangte chu Pu Rohmingthanga, Pu L. Colney, Pu PC Lawmkunga, Pu Lalhmingthanga, Pu Vanengmawia leh Pu Mawia te an ni a, inthlanna neihna tura inbuatsaih laia tlawmngai pawl hrang hrangten lungawilohna an entirna chhan leh hlauhthawn an neih chu lang lova thiltih awm nia an hriat vang a ni tih an hrilh a, Tripura Bru Relief Camp-ah vote thlak tir an ni tawh lovang tih Mizoram CEO hriattirna lehkha kum 2014, April ni 7-a an lo tihchhuah tawh chu kengkawh tur leh hei hi mipui hmaah chiang taka puang law law tur te, Principal Secretary, Home enkawltu Pu Lalnunmawia Chuaungo sawn chhuah a nih dawnah insawifiahna hun pek ni lova an hriat thu te an sawi bawk a ni. Hetiang bawk hian Mizoram Kohhran Hruaitute Committee pawhin inthlanna dik leh felfai a taka a awm theihna tura thil engkim dik tak leh langtlanga tih an duh thu Election Commission Team chu an hrilh bawk a ni.

ECI Team hian tukin khan Helicopter-in Champhai an pan a, Champhaiah hian Champhai Bawrhsap, Dr. Naveen Agarwal, District Election Officer ni bawk chuan DC Conference Hall-ah ECI team hi inthlanna atana an inbuatsaih dan a lem nena entirin a hrilhfiah a, hetiang bawk hian Champhai District SP, Pu Lalthiamsanga Sailo pawhin inthlan huna boruak \ha leh ralmuang awm theihna tur leh venhimna hna an thawh dan tur a lem nena entirin a hrilhfiah a ni. He inkhawm neih zawh hian ECI Team chuan DC Office-a EVM dah \hatna tur Strong Room-te an enfiah a, hemi hnu hian Helicopter vekin New Delhi pana haw turin Lengpui |umhmun an pan leh ta a ni. ECI Team Mizoram tlawha lo zin te hi
Deputy Election Commissioner, Mizoram bialtu Pu Sudip Jain, Jharkhan CEO, Pu Lalbiaktluanga Khiangte leh Secretary, Pu SB Joshi te an ni a, Aizawl an lo thlenin anmahni \awiawmtu atan Mizoram Additional Chief Electoral Officer, Pi Lalzarmawii ruat a ni bawk.