Julian Assange-a’n Kum 7 chhung London Ecuador Embassy chu inhum nan a hmang a, Ecuador khua leh tui nihna hlihsak a nih hnuah London police te’n an man nghal a, Assange chuan inhumna tihtawpsak anih dan hi dan kalh a nih thu sawiin Washington thupek vangin Ecuador hian phatsan-ah a puh a, an thil kalpui dan hi chanchinbumite zalenna khuahkhirhna a ni a ti.
Ecuador hian Lenin Moreno mimal chungchang pholanga an puh hnuah Assange leh Ecuador inkara hi a tla chhia a, Moreno chuan amah leh a chhungte chanchin pholan a nih vanga phuba la anih loh thu a sawi a, Ecuador hian ram dangte a zah em em laiin Assange hian an Embassy hi ram dangte inrelbawl dan tihbuai nan leh enthlak nan a hman avangin pawi a tih thu a sawi a, an Embassy hi hetianga hman rem a tih loh avangin Assange-a khua leh tui nihna hi hlihsak a nih thu a sawi a ni.
