ED hotuten Nirav Modi-a pawisa hren sak

0
475
views

Punjab National Bank atanga dik lo taka sum lakluh chungchang thubuai kal zelah Enforcement Directorate chuan vawiin khan Nirav Modi-a bank account leh pawisa dah that dang, cheng vbc. 44 vel leh ram pawn lam atanga lakluh sana man to tak tak eng emaw zat leh thil dang thahnem tak an man tawh tih an sawi. Puan tawh angin Nirav Modi leh a patea, Gitanjali Gems hotute zinga mi, Mehul Choksi leh midang thenkhat chu ED leh CBI-ten an chhui mek a, an thubuai hi Punjab National Bank-in Nirav Modi-a’n dik lo taka Punjab National Bank thawkte thil tih tir a tum vangin, Bank hotute’n thuneitute hnenah complain an thehluh atanga lo irh chhuak a ni a, Nirav Modi-te hian tun hma pawhin hetiang hian an lo tih thin thu an sawi avangin, an chhui chiang ta a ni. He thilah hian PNB-a hnathawkte pawh an inhnamhnawih nia hriat a ni a, ED leh CBI-te chuan FIR pahnih ve ve an ziak lut tawh a ni.