ED-in Nirav Modi-a car man to chhuh, pawisa hren sak

0
543
views

Rangkachak hmanga sumdawng, Nirav Modi-a car man to 9 Enforcement Directorate-te’n an chhuhsak. Puan tawh angin Nirav Modi hian Punjab National Bank kaltlangin pawisa tam tham tak a la lut nia sawi chungchangah, ED-te chuan an chhui chiang mek a, vawiin khan a company hminga pawisa dahthat, cheng vbc 7.80 leh a pate-a company, Mehul Choksi Group hminga pawisa dah, cheng vbc 86.72 chu khawih chet theih lohin an hren sak bawk a, he company neitu zinga mi, Modi Choksi chuan an hnathawk 5000 hnenah, hun harsa an tawn mek vangin, hna dang lo zawng rih turin a ti niin, Zee Business chuan an sawi a, Nirav Modi pawhin hetiang bawk hian, a company-a hnathawkte chu hna dang an zawn a ngaih thu hriattirna a chhuah niin an sawi bawk a ni. He thubuai hian thil dang kaihhnawih a ngah hle a, ED-te’n dik lo taka pawisa peipun chungchang an chhui mek lai hian, CBI-te chuan Bank kalphung bawhchhiaa company leh Bank hnathawkte inremsiam dan an chhui ve mek bawk a, Income Tax lam pawhin company lem 200 vel hming an haichhuak tawh bawk a ni.