Education Deptt. hnuaia Middle School leh Primary School zirtirtu Muster Roll-a thawk tura lak mi 881 te hming chu Zirtawpni-a puan chhuah a nih hnuah Sorkarin ennawn leh a tum.

0
340
views

Heng MR-a thawk tur zirtirtu 881 te la tur hian Sorkar chuan district parukah DPC a din a, July ni 30 a\anga September ni 3 chhung khan hna diltute interview neih a ni a, District hrang hranga DPC te rawtna chu sorkarin Zirtawpni khan a pawmpui hnuah School Education Dept chuan result hi a ti chhuak nghal a ni.

Vawiina rorellai pawl MNF Party office Mizo Hnam Run chhung inkhawmah party treasurer Pu Vanlalzawma chuan result tih chhuah tak hi ennawn leh tum a nih thu a puang a. Pu Vanlalzawma hian Chief Minister Pu Zoramthanga thu chah puangin, ‘Muster Roll zirtirtu lak chungchanga thil fel tawk lo awm leh, engemaw, tih \hat ngai awm chu hma kan la ang tih hnam runah lo puang phawt mai teh’ tiin min chah a ni a ti a, Education Minister Pu Lalchhandama Ralte hmun danga zin chhuak mek chu Aizawl a lo thlen veleh Chief Ministeir nen an sawidun dawn tih a sawi.

Hnam Run-a he thu a puan hnua chanchinbumiten an kawmnaah Pu Vanlalzawma chuan, result chu social media a\anga a hriat chauh anih thu a sawi a, a tira Education Minister-in a khaw mi tling an awm chuan lak tur a ni’ tia a lo sawi ang ni lovin tunah hian a khawmi ni lo lak leh mipakhat hmun 2/3 a tling te an awm a, thil fel lo a awm ngei niin a lang a ti.

Zawhna chhangin Pu Vanlalzawma chuan tuna an ennawn tur chu MNF mi lehsa thun leh tumna lam a ni lo a, result fel tawk lo awm nia lang chu ennawn a siamrem ngai lai a awm chuan siam rem mai tur a ni a ti a, Education Minister leh CM in an endun leh phawt dawn tih a sawi.