Mizoram Sorkar hnuaia zirtirtu inzawmkhawm pawl Federation of Mizoram Govt. School Teachers Conference vawi 1 na, Aizawla neih hmanpuiin he thu hi a sawi a. Education Minister chuan, School kai hun hman mek chu ennawn mek a ni a, \ha tih tlan dan tur bera tih danglam a ni dawn a, tun thla chhungin sorkar thupek tih chhuah hman beisei a ni a ti.
Education Service Rules duan thuai anih tur thu pawh Education Minister hian a sawi a, hei hian zirtirtu Transfer chungchanga harsatna awm \hinte nasa takin a su kiang thei dawn a ni a ti a, Zirtirtu indaihlohna awm mek pawh tihziaawm a nih theih nan MPSC kaltlangin Primary leh Middle School zirtirtu la tura hmalak mek a ni a, Budget tharah indaihlohna zualpui tiziaawm turin zirtirtu tam zawk Contract-a lak tum a ni a ti bawk.
Pu Lalchhandama Ralte chuan, Continuous and Comprehensive Evaluation (CCE) kalpui mek chu ennawnin tun aia zirlai ten an sawtpui theih dan tura her danglam tum a ni a ti bawk.
Zirtirtu kalkhawm hian ro an rel nghal a, School Education Directorate chu Elementary Education leh Secondary
Education a \hen hran an duh thu te, School Education Service Rules nei tura hmalak mek tihpuitlin thuai an duh thu te, zirtirtute tan quarters sorkar in ngaihtuahsak tura an duh thu te, C.C.E hman mek ennawn an duh thu te an rel a ni.
