EC chuan Andhra Pradesh Chief Secretary Anil Chandra Punetha chu hmun dangah sawnin a aiah Subrahmanyam a dah a, Kolkata Police Commissioner Anuj Sharma aiah State Pollution Control Board Additional Director General Dr Rajesh Kumar a dah bawk a, Bidhannagar DC te bakah Birbhum leh Diamond Harbour Police Superintendents te pawh a sawn bawk a ni. West Bengal-a eptu lam BJP hotute chuan he’ng mi te hi Mamata Banerjee hnuaia hna an lo thawh tawh \hin dan enin an hnuaiah inthlanna dik leh zalen kal pui a ni thei danw lo tia EC hnena an zualko vanga sawn chhuah an ni a, Andhra Pradesh Chief Secretary Anil Chandra Punetha sawn chungchangah hi sawi fiah turin Andhra Pradesh CM Chandrababu Naidu chuan a phut a, Visakhapatnam-a thu a sawinaah a hmaa district Collector, Intelligence DG leh district SP an sawn chhan pawh EC hian a sawifiah tawh loh thu leh te leh hun lo kal zel turah amah pawh lung ina an khung mai duh a rin thu te a sawi bawk a ni.
EC hian sipaite hnathawh chungchang campaign-na atana hmang lo turin party-te a hrilh nawn bawk a, sakhaw hrang hrang biakin leh hmun thianghlimte pawh campaign thusawina atana hmang lo turin a chah bawk a ni.
