Election Commission-in Lok Sabha inthlanpui neih hun tur a puang fel ta a, Mizoram bikah chuan April ni 11 ah vote thlak a ni ang a, hemi rual hian Aizawl West-I Assembly bialah bye election neih nghal a ni ang.

0
272
views

Chief Election Commissioner, Pu Sunil Arora leh Mizoram CEO Pu Asish Kundra ten inthlan neih hun tur hi nimin khan an puang. Lok Sabha inthlanna atana vote thlak hi chhawng 7 a neih tur a nia, chungte chu April ni 11, ni 18, Ni 23, ni 29, May ni 6, ni 12 leh 19-te an ni a, Mizorama Lok sabha seat 1 tana inthlanna hi Apirl ni 11-ah State dang 20 ruala neih a ni ang.

Mizoram leh a ruala inthlanan neihna tur State-ah te chuan Inthlanna tura sorkar hriattirna tun thla ni 18, karleh thawh\anni-ah chhuah a ni ang a, hemi ni a\anga March ni 25 thleng chuh tumte tan hming pek luh theih a ni ang a, hming pekluhte chu a tuk, ni 26-ah endik a ni ang a, inhnukdawk leh duh tan ni 28 thleng hun hawn a ni ang. Inthlanna-a vote tla zawng zawng chu May ni 23-ah a ruala chhiar a ni anga, Inthlanna hi a pumpuiin May ni 27-ah zawh fel a ni ang. Mizorama Lok sabha inthlanna neih tur bikah hian vote nei mi 7,84,405 an awm a, chung zinga mi 3,81,991-te chu mipa an nia, a bak 4,02,408-te chu hmeichhia an ni. Vote thlakna tur Polling Station 1175 siam a ni bawk.

Lok Sabha inthlanna neih rual hian State 11 leh UT pakhat-a Assembly bial 34 ah bye election neih nghal a ni dawn a, chungte chu Mizorama Aizawl West-I bial te, Bihar-a bial pahnih, Goa-a bial 3, Gujarat-a bial pahnih, Madhya Pradesh, Maharastra, Meghalaya, Nagaland, Puducherry leh Uttar Pradesh-a bial khat \heuh leh West Bengal-a bial hnih bakah Tamil Nadu-a bial 18 te a ni.