Election Commission in Tripura Bru Camp-a Electoral Roll ennawn tura rawtna a siam chungchangah Home Minister, Pu R. Lalzirliana hova political party, tlawmngai pawl leh zirlai pawl hruaitute vawiina thukhawmin an duh loh thu thlen nawn leh an rel.

0
480
views

Secretariat Conference Hall-a inrawnkhawmnaah hian Home Minister chuan Mizoram sorkarin Tripura Bru Camp-a kala Electoral Roll ennawnna neih leh Election Commission-in a rawtna chu nasa takin a hnial tih a sawi a, hemi chungchangah hian Chief Minister, Pu Lal Thanhawla’n Election Commission-ah lehkha a thawn bakah Chief Secretary leh Principal Secretary Home changtute pawhin Bru Camp-a Electoral Roll enawnna neih leh chu \ha an ti lo tih Election Commission chu an hrilh tih a sawi a, heti chung hian Election Commission chuan Bru Camp-a kala Electoral Roll enawnna leh turin Mizoram sorkar chu a hrilh tih a sawi. Principal Secretary Home, Pu Lalnunmawia Chuaungo pawhin Election Commission rawtna siam chu \ha an tih loh thu leh Mizorama hruai kir an nih hnuah inthlannaa vote an thlak theih nan Electoral Roll ennawnna chu neih a rawt thu a sawi bawk.

Political party hrang hrang aiawhte leh Central YM President, Pu Vanlalruata te chuan tun hmalama thutlukna an lo siam tawh, Tripura Bru Relief Camp-ah Mizorama inthlanna kaihhnawih thil engmah tih tawh loh ni se tih chu an dinna a nih thu an sawi a, hei hian Bru Camp-a kala vote thlak tir leh Electoral Roll ennawn te pawh huam a ni an ti a, tlawmngai pawl hrang hrang leh political party te ngaihdan chu Election Commission-ah sorkarin thlen se tiin thu an dah a ni.

Tripura Bru Relief Camp 6 a\anga Mizoram mi dik tak enfiah tawh chhungkaw 5,407-a mi 32,876 te chu tun thla ni 14 a\anga la let \ana, a pumpuia September ni 10-a zawhfel hman tum a ni a, heta tan hian sorkar laipui a\angin cheng vbc 121 leh nuai 30 dil a ni. Bru te hi Mizorama hruai kir an nih hunah anmahni dahna turin Mamit District khaw 46, Kolasib District-ah khaw 10 leh Lunglei District-ah khaw 4 ruahman a ni.

Bru Relief Camp-a Mizoram mi hruai kir dan tur chungchang hi Principal Secretary, Home Pu Lalnunmawia Chuaungo kaihhruaiin naktukah Damcherra-ah sawiho a ni ang a, hetah hian MBDPF hruaitute leh Tripura sorkar aiawhte an tel ang a, tun thla ni 10-ah Damcherra-ah bawk Monitoring Committee Meeting neih zui a ni ang a, hetah hian Central YMA President leh Bru Coordination Committee President te pawh an tel dawn a ni.