Model Code of Conduct hnuaiah hian vote hmuh tuma hnam emaw chi leh kuang emaw hmanga campaign phal a ni lo a, tunhnai khan Mayawati hian Muslim mi te Congress vote lo turin a ti a, hei hi Yogi Adityanth-a chuan chhang letin Congress, SP leh BSP te chuan Ali-ah rinna an nghat a nih chuan an party BJP pawhin Bajrang Bali-ah rinna an nghah thu a sawi a, Ali hi Muslim sakhaw dintu Prophet Mohammad-a aiawhtua ngaih a ni a, Bajrang Bali hi Hindu pathian Hanuman-a hming dang a ni ve thung a, sakhuana thilah an inbei nasa hle a ni. Election Commission chuan Mayawati darkar 48 chhung campaign a khap a, Yogi Adityanath hi darkar 72 chhung campaign a khap bawk a ni. Campaign khap ni mahse Yogi Adityanth hian Lucknow-a Hanuman Setu temple a tlawhin mipui leh media hmaah a inlan tho a ni.
BJP candidate Maneka Gandhi chuan Uttar Pradesh-a Sultanpur-a a thu sawinaah Muslim te chu amah an vote loh chuan a lal hunah hna a pek loh tur thu a sawi ve bawk a, an vote tel lo pawhin thlan tlin a nih tho tur thu sawiin hnehna a chan hunah an ngenna te a ngaihsak dawn lo tiin a vau a, Election Commission chuan zing dar 10 a\anga khan darkar 48 chhung campaign a khap ve leh bawk a ni.
Samajwadi Party hotu Azam Khan chuan a tum pui Jaya Prada chungchang a sawinaah tih hmingchhiat tumin hmeichhe hmusit zawng \awngkam mawi lo tak tak a hman avangin Election Commission chuan zing dar 10 a\ang vek khan darkar 72 chhung camapaign a khap bawk a, Azam Khan hi kum 2014 pawh khan campaign khap a lo ni tawh a, Election Commission chuan a campaign dan leh a \awngkam hman \hin danah a insiam \hat miah lo nia an hriat thu an sawi a ni.
