Electric Veng Government Middle School, Aizawl in Golden Jubilee lawm

0
758
views

Vawiin khan Aizawl, Electric Veng Government Middle School-in Electric Veng YMA Hall-ah an school Golden Jubilee an lawm a. School Education Minister Pu H. Rohluna, bialtu MLA, Health Minister Pu Lal Thanzara leh an veng pa, Pu K. Sangthuama MLA ten an hmanpui. School Education Minister chuan ram hmasawnna atan zirna chu thil pawimawh, thlahthlam thiang lo a nih thu sawiin, sum harsa tak chung pawhin sorkarin zirna hmasawnna atan theihtawp a chhuah zel niin a sawi. Sorkar school \hat leh \hat loh chungchangah Headmaster-te leh zirtirtute an pawimawh thu sawiin, zirtirtu \ha tak tak, la \halai zawkte Headmaster an nih ve theihna turin Headmaster Recruitment rules siam \hat a nih thu a sawi a, tunah chuan sanctioned post zatve chu kaisanna, a zatve dang chu exam atanga kaisan theih niin a sawi. He inkhawmah hian Health Minister, Pu Lal Thanzara leh Pu K. Sangthuama MLA pawhin thu an sawi a, Golden Jubilee lawmna inkhawm hi he school Headmaster hlui, Pu R. Biakzama’n a kaihruai a. Govt. Middle School Electric veng hi kum 1968-ah Headmaster leh zirtirtu pathum neiin din a ni a, tunah hian zirlai 76 leh zirtirtu 13 an awm a ni.