Kum 2015 khan Bikaner-a thuneitu pakhatin Pakistan ramri bula dan loa in hmun lei a nih thu a sawichhuah hnuah ED hian pawisa tihchingpenna thubuai a ziak lut a, hnathawkte sawidan chuan Bikaner-a khaw 34-a sipai hman tur sorkar inhmun te chu lekha phuahchawp hmangin dan lo-a tlawm te-a lei a ni. ED chuan he ram leitu company, Skylight Hospitality te’n Robert Vadra nena inkungkaihna nei nia an hriat vangin thu zawh fiah an duh thu an sawi a ni.
Kar hmasa-a London-a in hmun leinaa pawisa tihchingpen chungchanga Delhi-a ED hmaa a inlan tawh hnuah, Congress General Secretary Priyanka Gandhi Vadra Pasal Robert Vadra leh a nu Maureen Vadra te hi Rajasthan-a Jaipur-ah ED hma hian an inlan dawn a, ED hmaa a inlan vawi 4-na a ni dawn a ni.
Robert Vadra chuan a nupui Priyanka Gandhi politics-ah lut a, Uttar Pradesh-a Modi bial-a a campaign \an dawn avangin Narendra Modi sorkar kaihhruai hian beihna tur a zawng niin a sawi a, thudik chu pholan a nih tur thu a sawi.
