Environment, Forests & Climate Change Department-in an thla thum kalta chhunga an hnathawh thlir let

0
680
views

Environment, Forests & Climate Change Department chuan kumin July thla a\anga September thla thlenga an hnathawh dan, vawiin khan Tuikhuahtlanga PCCF Conference Hall-ah an thlir let. He thlirletna inkhawm hi PCCF, Pu Lalramthanga’n a kaihruai a, tun hnaia zir bingna neiha a lan danin, Dampa Tiger Reserve hi Asia chhim chhak biala Clouded Leopard, Kelral leh Sanghar chi khat, Marble Cat tamna ber a ni, a ti a, Kepran khua a\anga Kelral an man pawh an Department miten a chenna hmun tur, hmun danga an dah te, Lungzarh\uma ramsial pa, bawng rual zinga tla ve \hin pawh ngun taka zir chian mek a nih thute a sawi a ni. PCCF chuan Saw Mill Rules chu Mizoram sorkar pawhin a pawm tak avangin mi thiamten thingzai tur awm dan an zir chian a \ul dawn niin a sawi a, he dan hi mahni huana thing phuntute ham\hatna thlen thei tur a nih thu te, Forest Reserve chhunga dan phal kalha huan nei leh thing phuntute chungchang pawh chin fel thuai tum a nih thu te, DoNER Ministry hnuaia Bamboo Development Project bawhzui mek a nih thu te leh, Japan International Co-operation Agencies (JICA) \anpuinaa NH-54 tihzauh turah DFO \heuhin anmahni bial chhungah thil chin fel ngaite bawhzui a \ul thute a sawi a ni. He meeting-ah hian National Afforestation Programme, Green India Mission, Forest & Wildlife Protection, thubuai, sum lak luh, Environment lam ni pawimawh hman dan te, Division hrang hrangin an bawhzui dan thlir let a ni a, ram ngaw leh a chhunga cheng nungchate \ha zawka humhalh dan tur pawh an sawiho a ni.