Eptu party 21 in vote thlaktu in a duh tak a vote ngei a ni tih a finfiah nghal theihna, Voter verified paper audit trail zaa 25 tal assembly bial tina chhiar an ngenna chu Supreme Court in a hnawl.

0
204
views

Tuna kalphung pangngaiah chuan Assembly bial tin-a Polling Station pangaah VVPAT hi zel chhiar tel zel tur a ni a, Chief Justice Ranjan Gogoi chuan thupek an lo siam tawh sa chu tih danglam an tum lo tih a sawi. April ni 8-a hemi chungchang ngaihtuah a nih khan Election Commission chuan Assembly bial tina vote tla a\anga VVPAT hi chhiar zel a nih dawn chuan result puan hun a tlai phah thei dawn tih Supreme Court ah hian a thlen a, Supreme Court hian Election Commission hi VVPAT khawl hi Assembly bial tina polling station panga ah tal chhiar zel turin a hriattir a ni.

VVPAT tam zawk chhiar tura ngenna thehluttu party te aiawha ding Senior Advocate AM Singvi chuan EVM leh VVPAT-a vote tla te a inmil em tih enfiah dan tur, tuna ruahmanna dinglaiah hi chuan vote tla zawng zawng a\anga zaa 2 vel chauh finfiah a ni a, zaa 25 vel tal finfiah a nih theih nan VVPAT tam zawk chhiar a ngai a ni a ti a, hetihlai hian Supreme Court hian eptu party te ngenna hi hnawlin, Assembly bial tina polling Station panga zelah VVPAT chhiar tur tia a thupek a lo siam tawh chu a nemnghet nawn leh a ni.