Eptu party inthurualin Vice President Venkaiah Naidu-a’n Rajya Sabha inkhawm a kaihhruai dana an lungawilohna ziakin an thehlut dawn.

0
361
views

Lungawilohna lehkha ziaktute hi Congress, Trinamool Congress, Samajwadi Party leh Nationalist Congress Party-te an ni a, anni bakah hian party dang pawhin an zawm ve thuai an beisei thu Congress lam chuan an sawi a, an lungawilohna zingah hian rorel lai sorkar fakna leh eptu lam sawichhiatna Rajya Sabha TV-a chhuah a ni \hin leh tunhnaia eptu lamin Parliament-a zawhna an zawh pahnih, Rajya Sabha website a\anga paih a nih chungchang leh tunhnaia NRC chungchanga Parliament-a inhnialna chungchanga rorel inkhawm kaihhruai a nih dan te telh a ni. Puan tawh angin thawhlehni khan NRC chungchang hi BJP hruaitu Amit Shah-a’n thu a sawi hnu lawkah Rajya Sabha inkhawm tihtawp a ni a, \um danga tih \hin dan ang lo takin chawhnu dar khatah chhun chawlh puang loin minute 10 chawlh puan a ni a, nilaini pawh khan Amit Shah hi a thusawi zawh hman loh chhunzawm tura sawm a ni bawk a ni.

Hei hi Rajya Sabha Chairman hnena a chunga lungawilohna ziaka thehluh a nih \um khatna a ni a, Lok Sabha Chairman, Sumitra Mahajan pawhin fur \hutkhawm chhung hian hetiang lehkha hi a dawng ve tawh bawk a ni.