Eptu pawlten CJI Dipak Misra ban a nih theih dan hmanga kawng zawn an tum nia hriat a ni

0
573
views

Eptu pawlte chuan Chief Justice of India, Dipak Misra ban a nih theih nan dan hmanga kawng zawn an tum nia hriat a ni a, a banna tur, impeachment motion hian hun a awh rei b^kah, a hlawhtlin beiseiawm chiah lo mah se, mite beng a verh hle a ni. Rorel lai pawlin an thlawp loh chuan eptute hian Parliament-ah he motion pass theihna khawp member an nei lo a, eptu pawl hi an lungrual pawh a rinawm chiah lo bawka ngaih a ni. Odisha CM, Naveen Patnaik leh a kaihhruai, Biju Janata Dal chuan he motion hi an thlawp loh rin a ni a, Chief Justice, Dipak Misra hi Odisha mi, kum tawp lama pension-a chhuak tawh mai tur a ni. Congress party chhungah pawh Chief Justice ban duh lo an awm nia hriat a ni bawk. Puan tawh angin, Supreme Court judge senior zual paliin tun hnai, tun thla ni 12 khan Supreme Court-a thil awm dan \ha lo nia an hriatte an lo sawi chhuak tawh a, an zinga pakhat, Justice Gogoi tih loh chu kumina pension tur vek an ni.