Erdogan-a’n Palestinian ram khawpuia Jerusalem pawm turin Muslim ramte fuih

0
580
views

Turkey President, Recep Tayyip Erdogan-a’n Muslim ramte chu Palestinian ram khawpuia Jerusalem pawm turin Muslim ramte a fuih a, Organisation for Islamic Co-operation inkhawmah he thu hi sawiin, America sorkarin Israel khawpui atana Jerusalem a pawmna chu thil awmze nei lo niin a sawi bawk. President Erdogan-a chuan Israel chu tharum thawha firfiak taka ch>t ching ram niin a sawi a, Palestinian hruaitu, Mahmoud Abbas pawhin America sorkar chu Middle East-a muanna zawnna kawnga tel ve tl^k lo-ah a insiam ta niin a sawi. Mahmoud Abbas-a chuan muanna zawnna kawngah United States-in engemaw tih ve a tum pawhin, an remtih loh tur thu leh, Israel \an burtu a nihzia, khawvel hriata a lantir tawh avangin, America chu rin ngam a ni tawh lo nia an ngaih thu a sawi bawk. Istanbul-a BBC corr., Mark Lowen chuan Organisation for Islamic Co-operation intawh khawmnaah hian a tir a\angin an boruak a sang hle niin a sawi a, mahse he pawl hian engnge a tih theih sawi a har hle tih sawiin, President Trump-a \an tlat pawh an awm ve tho avangin, an lungrual pawh a beiseiawm vak lo nia hriat a ni a, he intawh khawmnaah hian ram hrang hrangin ram hruaitu lu, President leh PM-te tir lo a, Minister dangte an tirh avangin, beisei a sang tehchiam lo nia ngaih a ni bawk. Turkey President hian America sorkarin Israel khawpui atana America sorkarin Jerusalem a pawm thu a puan hma khan Turkey leh Israel inzawmna chu chhut chah vekah a lo vau tawh a, Israel sorkarin Gaza a dan chahna dodaltu, Turkey mi 9 chu Israel commando-ten an kah hlum avangin, Turkey hian Israel nena an inzawmna hi a lo chhu chat tawh a, nikumah khan an inzawm leh chauh a ni.