Thla 5 chhungin Boeing 737 MAX thlawhna 2 an chetsual avangin Civil Aviation Authority of Singapore chuan hetiang thlawhna an ram chhunga thlawh chhuah leh thlawh luh chu vawiin a\angin a khap rih dawn tih a puang a, hemi hun chhung hian CAAS chuan Boeing 737 MAX hman chhunzawm him leh him loh endikna te a la khawm dawn a ni.
Khawvela airline dangte pawhin he thlawhna model hman hi an titawp hlawm a, US-a endiktute chuan Boeing hnenah a rang thei ang ber-a thlawhna hi tuaithar-a a hma aia \ha leh him zawk-a siam turin thu a pe a, Canada Transport Minister Marc Garneau erawh chuan Boeing 737 MAX 8 hi thlawh chhuah khap a tum lo tih a sawi thung a, Ethiopia-a thlawhna chetsual chhan chhuinain thlawhna hi tihtawp tur tih a tarlang anih loh chuan thlawhtir chhunzawm zel a tum thu a sawi.
