Germany-ah chuan vantlang veivahnaah te chuan hmaituamna chu loh theih loha hman tura tih a ni a, thuneitute chuan hmaituamna \hui chawp ang chi chu mipuite hmang turin a ti a, medical mask chu damdawi ina thawkte hman atan khek turin mipuite a hriattir a ni.
Italy Prime Minister, Guiseppe Conte chuan Pathianni khan inkharkhip thlahdul dan tur a puang a, May ni 4 a\ang chuan chhungte intlawh leh mitthi vui te, park-a len khawthawn leh Italy ram chhunga zin veivahte pawh a theih tawh dawn tih a sawi.
Switzerland-ah chuan thlai leh pangpar chinna hmun ang hi te bakah sam siamna hmun te hawn a ni tawh a, May ni 11 a\angin zirna in hawn \an a ni bawk ang.
Europe-a ram te ber, Malta-a chuan darkar 24 chhungin coronavirus kai thar an awm lo va, kar 6 chhunga hri kai thar an awm loh vawikhatna a ni.
